පක්ෂ ලාංඡන අදාළ නෑ! මගේ නායකයා සජිත් විතරයි! – රිෂාඩ් බදියුදීන්
February 25, 2020 at 10:59 am | by emanisa.lk
ඉදිරි මහ මැතිවරණයේදී පක්ෂ ලාංඡනය කුමක් වුවත් තමන් හා තම පක්ෂය තරග කරන්නේ සජිත් ප්රේමදාස සමග බව හිටපු කර්මාන්ත අමාත්ය හා වන්නි දිස්ත්රික් පාර්ලිමේන්තු මන්ත්රී රිෂාර්ඩ් බදුයුදීන් (24) වවුනියාවේදී පැවසීය.
බදුයුදීන් මේ බව පැවසුවේ සමස්ත ලංකා මහජන කොග්රස් පක්ෂයේ ශාඛා කාර්යාලයක් වවුනියාව කුරුමන්කාඩු ප්රදේශයේදී විවෘත කිරීමට පැමිණි අවස්ථාවේදීය.
සජිත් ප්රේමදාසට ලැබෙන්නේ අලියාද හංසයාද යන්න තමන්ට හෝ තම පක්ෂයට වැදගත් නොවන බව කී රිෂාර්ඩ් බදුයුදීන් මේ වන විට තම පක්ෂය තීන්දු කොට ඇත්තේ සජිත් ප්රේමදාස සමග එක්ව තරග කිරීමට බව ද පැවසීය.
මෙහිදී මාධ්යවේදීන් සජිත් ප්රේමදාස රිෂාර්ඩ් බදුයුදීන් එක්කර නොගන්නා බවට ප්රකාශ කොට තිබියදී ඔහු සමග එක්ව මැතිවරණයට තරග කරන්නේ කෙසේදැයි විමසූ විට රිෂාර්ඩ් බදුයුදීන් කියා සිටියේ සජිත් ප්රේමදාස තම පක්ෂයට හෝ තමාට එවැන්නක් ප්රකාශ කොට නොමැති බවය.
මෙවර මහ මැතිවරණයේදී වන්නි දිස්ත්රික්කය සඳහා තමන් තරග කරන බව පැවසූ රිෂාර්ඩ් බදුයුදීන් කියා සිටියේ ඒ තරග කිරීම එක්සත් ජාතික පක්ෂයෙන්ද එසේත් නොමැති නම් එහි සන්ධානය සමගද යන්න මෙතෙක් නිරවුල් වී නොමැති නමුත් සජිත් ප්රේමදාස විසින් ගොඩ නගනු ලබන සන්ධානය ඔස්සේ තමන් තරග කරන බවයි.
