ශ්‍රී ලාංකිකයෝ හරිම උතුම් මිනිස්සු! වෛද්‍ය සේවයත් ඉතාම විශිෂ්ටයි! රට අපහසුවට පත්වුණා නම් සමාවෙන්න!- කොරෝනා සුව වූ චින කතගෙන් ලංකාවට පැසසුම් මල් වැහි….
February 5, 2020 at 11:04 am | by emanisa.lk
කොරෝනා වෛරසය ආසාදිත වී අයි.ඩී.එච්. රෝහලේ ප්‍රතිකාර ලැබූ චීන කාන්තාව තමාට සුවය ලබා ගැනීමට උපකාර කළ සෞඛ්‍ය අංශ වෙත ස්තූතිය පළකරමින් කර තිබේ.
ඇය මෙම අදහස් දැක්වීම සිදුකර ඇත්තේ චීනයේ භාවිත කෙරෙන වී චැට් (we chat) සමාජමාධ්‍ය ඔස්සේය.
තමන් නිසා ශ්‍රී ලංකාවට සිදුවූ අපහසුතාව පිළිබඳව සමාව ඉල්ලීමටද මෙහිදී ඇය අමතක නොකළාය.
ශ්‍රී ලංකාවෙන් වාර්තා වූ පළමු සහ එකම කොරෝනා ආසාදිත රෝගියා මෙම චීන කාන්තාව වන අතර ඇය සුවය ලබා ඇතැයි සෞඛ්‍ය සේවා අධ්‍යක්ෂ ජෙනරාල් වෛද්‍ය අනිල් ජාසිංහ ප්‍රකාශ කරයි.
ඇය වී චැට් ඔස්සේ මෙසේද අදහස් දක්වා තිබුණි.
‘‘මම මුලින්ම රෝහලට ඇතුළත් වූ අවස්ථාවේ සියලුදෙනා මං ගැන බය වෙලයි හිටියේ. මමත් බොහොම කලබල වුණා. මම දැනුවත්ම නෙමෙයි මට මේ ලෙඩේ හැදුණේ. ඒ නිසා ලංකාවට ඇතිවුණු කරදරය ගැන මම සමාව ඉල්ලනවා. මටම තවම විශ්වාස කරන්න බැහැ මට අසනීප වුණා කියලා.
මම වූහාන්වලට ගියේ රැස්වීමකට සහභාගි වෙන්නයි. පසුව මම ශ්‍රී ලංකාවට පැමිණියා. ඉන්පසු මට රාත්‍රියේ උණ රෝගී ලක්ෂණ තිබුණා. එම නිසා මෙහේ රෝහලකට ගියා. මම වාට්ටුවේ හඬමින් සිටිනවා එහි ප්‍රධාන හෙද නිලධාරිනිය දැක්කා. ඇය මා දිනපතාම දිරිමත් කළා. මට අවශ්‍ය කරන සියලු දේ ඇය ගෙනැවිත් දුන්නා. වෛද්‍යවරුන් ඇවිත් දිනපතාම මාව සැනසුවා. ඒ වගේම සංචාරක ක්ෂේත්‍රයෙ හිටපු නියෝජිතයනුත් අන්තර්ජාලය ඔස්සේ සම්බන්ධවෙලා මගේ සුවදුක් සොයා බැලුවා.
මට කොරෝනා වෛරසය ආසාදනය වෙලා කියලා දැනගත්තු ඒ ක්‍රියාවලිය ඉතාම කරදරකාරී සහ අපහසු එකක්. ඒ වෙනකොට ශ්‍රී ලංකාවට වෛරසය ඇවිල්ල තිබුණේ නැති නිසා වෙන්න ඇති.
පළමු පරීක්ෂණයේදී කොරෝනා ආසාදනය වෙලා කියල තහවුරු කළේ නැහැ. තුන්වෙනි දවසේදී කොරෝනා කියලා තහවුරු කළේ. මගේ ප්‍රධාන හෙද නිලධාරිනිය ඉතාම හොඳයි. දින කීපයකට පස්සේ ඇය කිව්වා මට ගෙදර යන්න පුළුවන් කියලා. ඇය මාත් සමග ඡායාරූපයකටත් පෙනී සිටියා. ශ්‍රී ලංකාවෙ ඉන්න සෞඛ්‍ය නිලධාරීන් ඉතාම හොඳයි. හැමෝටම ගොඩක් ස්තූතියි
