අරලියගහ මන්දිරයේ පසුගිය 09 වෙනිදා පැවති එජාප පළාත් පාලන ආයතනවල මහජන නියෝජිතයින්ගේ හමුවක් අමතමින් ඇමති වජිර අබේවර්ධන විශේෂ ඉල්ලීමක් කර තිබේ.

ඒ එජාප නායක රනිල් වික්‍රමසිංහ ජනාධිපති අපේක්ෂයා ලෙස ඉදිරිපත් කරන ලෙස ඉල්ලා ලක්ෂ පහක අත්සනින් යුතු පෙත්සමක් අත්සන් කිරීමට සහය වන ලෙසය.

එජාප මහ ලේකම් ඇමති අඛිල විරාජ් කාරියවසම් ද එම ඉල්ලීම කර ඇතත් එජාප මහජන නියෝජිතයින්ගෙන් අදාළ ඉල්ලීමට යහපත් ප්‍රතිචාරයක් ලැබී නොමැත.

කොළඹ, කුරුණෑගල සහ ගාල්ල දිස්ත්‍රික්කවල පළාත් පාලන ආයතනවල මහජන නියෝජිතයින් සහභාගී වූ මෙම හමුවට අගමැති රනිල් වික්‍රමසිංහ ද පසුව එක්ව ඇත.

රැස්වීමෙන් අනතුරුව එම මහජන නියෝජිතයින් සියලු දෙනාම පාහේ පවසා ඇත්තේ ගම ඉල්ලන, පාක්ෂිකයින් ඉල්ලන සජිත් ප්‍රේමදාස අමාත්‍යවරයා ජනාධිපති අපේක්ෂකයා ලෙස ඉදිරිපත් කළහොත් පමණක් රාජපක්ෂවරුන් පරාජය කළහැකි බවය.