මේ රට කොරෝනා උවදුරින් බේරා ගත්තේ ආණ්ඩුව නොව මැතිවරණය කල්දැමූ මැතිවරණ කොමිසම බව ජනතා විමුක්ති පෙරමුණ පවසයි.

ආණ්ඩුවට උවමනා වූයේ කෙසේ හෝ මැතිවරණය පැවැත්වීමට මිස කොරෝනා වසංගතය පාලනය කිරීමට නොවන බව ද ජවිපෙ මහනුවර දිස්ත්‍රික් අපේක්ෂක කේ.ඩී. ලාල්කාන්ත මාධ්‍ය හමුවක් කැඳවමින් සඳහන් කළේය.

මැතිවරණ කොමිසම මැතිවරණ පැවැත්වීම නතර නොකළේ නම් අද වන විට එය සමාජයේ පැතිර ගොස් අවසාන බව ද හෙතෙම පෙන්වා දුන්නේය.

පැවැති යහපාලන ආණ්ඩුවට කොතරම් විචේචන තිබුණ ද 19 වන ආණ්ඩුක්‍රම ව්‍යස්ථාව රැකගැනිමට කටයුතු කරන බව ද එමගින් ඇති කළ ස්වාධින කොමිෂන් සභා හේතුවෙන් ජනතාවට වාසි රැසක් හිමිව ඇති බව ලාල් කාන්න වැඩි දුරටත් පවසයි.

මහනුවර ප්‍රදේශයේ පැවැති මාධ්‍ය හමුවකට එක්වෙමින් කේ.ඩී. ලාල්කාන්ත මේ බව අනාවරණය කළේය.