ජනාධිපති මෛත්‍රීපාල සිරිසේන සිය මතය ජිනීවාහි ප්‍රකාශ කිරීම සඳහා පත් කළ ත්‍රිපුද්ගල නියෝජිත මණ්ඩලය නියෝජනය කරන උතුරු පළාත් ආණ්ඩුකාර ආචාර්ය සුරේෂ් රාඝවන් දෙමළ සන්ධාන යෝජනාවක් ද රැගෙන ජිනීවා යාමට සූදානම් වෙයි.

මානව හිමිකම් කොමිසමට භාර දීමට අවශ්‍ය යෝජනා තමා වෙත භාර දෙන ලෙස ආණ්ඩුකාරවරයා දැනුම් දී තිබූ අතර ඒ අනුව එම්.කේ. ශිවාජිලිංගම් සහ ආනන්දි ශෂිදරන් මෙම යෝජනාව භාර දී තිබේ.

මේ වන විටත් දෙමළ සන්ධානය මානව හිමිකම් කොමිසමට ඉදිරිපත් වන දෙවන යෝජනාවට ද ශ්‍රී ලංකාව සම අනුග්‍රහය දැක්විය යුතුය යන අගමැති ප්‍රමුඛ එජාප මතය දරන අතර සිය රටේ ප්‍රශ්න තමන්ට විසඳා ගැනීමට රටේ ජනතාවට ලබා දෙන්නැයි ජනාධිපතිවරයා කරන ඉල්ලීමට දැඩි ලෙස විරුද්ධ වෙයි.