IS මුලිනුපුටා දැමූ බවට පම්පෝරි ගැසූ ආණ්ඩුවේ රෙදි ගැළවෙයි! ලංකාවේ IS තර්ජන තවත් ඉහළ යා හැකි බවට ඉන්දීය බුද්ධි අංශ අනතුරු අඟවයි!

June 20, 2019 at 11:27 pm | by emanisa.lk

ඉස්ලාම් රාජ්‍ය ත්‍රස්ත සංවිධානයට සිරියාව හා ඉරාකය ආදී රටවල දී අත් වූ පරාජය හේතුවෙන් ඔවුන්ගේ අවධානය ඉන්දීය සාගර කලාපය දෙසට යොමුව ඇති බවත් එහෙයින් ශ්‍රී ලංකාව හා ඉන්දියාව වෙත ඇති IS ත්‍රස්ත තර්ජනය තවත් ඉහළ යා හැකි බවත් ඉන්දීය බුද්ධි අංශ අනතුරු අඟවා තිබේ.

ඉන්දියාවේ රාජ්‍ය බුද්ධි අංශය මේ සම්බන්ධයෙන් කේරළයේ ඉහළ පොලිස් නිලධාරීන්ට ලිපි තුනක් යොමුකරමින් දන්වා ඇති බව ඉන්දීය NDtv නාළිකාව වාර්තා කරයි.

මෙහිද එක් ලිපියකින් ඉන්දියාවේ කෝචි හි සුප්‍රසිද්ධි සාප්පු සංකීර්ණයක් අයි.එස්. ප්‍රහාරයකට ලක්විය හැකි බව දන්වා ඇත. තවත් ලිපියකින් දන්වා ඇත්තේ අයි.එස්. මතවාදී අදහස් ඇති පිරිස් තම රටවල් තුළ සිටිමින් ජිහාඩ් පන්නයේ සහාසික ක්‍රියාකාරකම් සිදුකිරීමට උත්සාහ කරන බවය.

ඉන්දියාවේ කේරළ, තමිල්නාඩුව, ආන්ද්‍රා ප්‍රදේශය හා කාශ්මීරය අයි.එස්. ක්‍රියාකාරකම්වලින් වැඩි වශයෙන් බලපෑමකට ලක්ව හැකි ප්‍රදේශ බව ඉන්දීය ආරක්ෂක අංශයේ ඉහළ නිලධාරීන් සඳහන් කර තිබේ.

ඉස්ලාම් රාජ්‍ය ත්‍රස්තවාදීන්ගේ සන්නිවේදන මාධ්‍ය අතර ටෙලිග්‍රෑම් මැසෙන්ජර් ප්‍රධාන තැනක් ගත්තත් එහිදී තොරතුරු බාහිර පාර්ශ්වයන්ට හා හැකි වීම හේතුවෙන් විකල්ප ලෙස Chatsecure, Signal හා Silent Text යන යෙදුම් භාවිත කිරීමට කටයුතු කරනු ඇති බවත් ඉන්දීය බුද්ධි අංශ අණාවරණය කරගෙත තිබේ.

ඉන්දියාවේ කේරළ ප්‍රාන්තයේ පමණක් 100කට අධික පිරිසක් ඉස්ලාම් රාජ්‍ය ත්‍රස්ත සංවිධානයට සම්බන්ධ වී ඇති බවත් 3000කට අධික පිරිසක් රැඩිකල් මතවාද දරන බවත් දකුණු ඉන්දියාවේ උපදේශන සේවා සපයන මධ්‍යස්ථාන 21ක් පමණ ඇති බවත් ඉන්දියාව තොරතුරු හෙළි කරගෙන තිබේ. කෙසේ වෙතත් ඉන්දීය ආරක්ෂක අංශ මේ වන විට මේ සම්බන්ධයෙන් විමර්ශන ආරම්භ කර තිබේ.

එසේම කේරළයේ මුහුදු වෙරළ දැඩි ආරක්ෂාවකට යටත් කර ඇති අතර ශ්‍රී ලංකාවට එල්ල වූ පාස්කු ප්‍රහාරයෙන් අනතුරුව ඉන්දීය ආරක්ෂක අංශ මේ වන විට පුද්ගලයන් 30ක් පමණ සමීපව නිරීක්ෂණය කරන බවත් ඉන්දීය මාධ්‍ය හෙළි කර තිබේ.

 
 


Leave a Reply

Your email address will not be published. Required fields are marked *

මුල් බිස්ස