අමාත්‍ය රිෂාඩ් බදියුදීන් මහතා පාස්කු ප්‍රහාරයට සම්බන්ධ ත්‍රස්තවාදියකු නිදහස් කර ගැනීමට හමුදාපතිතුමාට බලපෑම් කළ බවට විශ්වාසභංගය ඔස්සේ විශාල චෝදනාවක් එල්ල වන බව අමාත්‍ය පී. හැරිසන් පවසයි.

කෙසේ වුවද ඇමති රිෂාඩ් බදියුදීන් එවැනි බලපෑමක් නොකළ බවත් සිදු කළේ ඉල්ලීමක් පමණක් බවත් යුද හමුදාපතිවරයා පැහැදිලිවම සඳහන් කර ඇතැයි අමාත්‍ය පී. හැරිසන් මහතා පෙන්වා දෙයි.

එසේම ඇමතිවරයාගේ සහෝදරයන් සහ ඔහුගේ නිලධාරීන් පිළිබඳ එල්ල වන චෝදනා පිළිබඳ තේරීම් කාරක සභාවේ දී සාකච්ඡා කළ හැකි බව ඇමතිවරයා පවසයි. කෙසේ වුවද මෙය රිෂාඩ් බදියුදීන් නිවැරදිකරු කිරීමට සහ විශ්වාසභංගය යටපත් කිරීමට පත් කළ තේරීම් කමිටුවක් බව පවසන විපක්ෂය ඊට සහභාගී වීම ප්‍රතික්ෂේප කර තිබේ.