කොළඹ කොටුවේ සිට ගාල්ල බලා ධාවනය වූ දුම්රියක ගැටී මවක් හා පිරිමි දරුවන් දෙදෙනෙකු කොල්ලුපිටිය දුම්රිය ස්ථානය ආසන්නයේදී අද (14) මියගොස් ඇතැයි කොල්ලුපිටිය පොලිසිය කියයි.

මෙසේ මියගොස් ඇත්තේ කොටහේන ප්‍රදේශයේ පදිංචි ජෙනට් දර්ශනී රාමයියා නැමැති 32 හැවිරිදි දෙසළ ජාතික කාන්තාවක් හා අවුරුදු 11 සහ 12 වයස් වල පසුවන පිරිමි දරු දෙදෙනෙකි.

මියගිය කාන්තාවගේ අත්බෑගයේ තිබී දෙමළ භාෂාවෙන් ලියන ලද ලිපියක් කොල්ලුපිටිය දුම්රිය ස්ථානයේ ස්ථානාධිපතිවරයාට හමුවී ඇති අතර ජීවත් වීමට මුදල් නොමැති බැවින් දරු දෙදෙනා සමඟ සියදිවි නසා ගන්නා බවට එම ලිපියේ සඳහන් ව තිබූ බව කොල්ලුපිටිය පොලිසිය පැවැසීය.