කොටින්ට පක්ෂපාති කැනඩාවට, අයර්ලන්තයට සහ නෝර්වේට ලංකාවේ සහාය නෑ! – ලංකා රජයෙන් පැහැදිලි තීන්දුවක්….
June 22, 2020 at 9:06 am | by emanisa.lk
එක්සත් ජාතීන්ගේ ආරක්ෂක මණ්ඩලයේ ස්ථිර නොවන සාමාජිකත්වය සඳහා තරග වැදුණු කැනඩාව, අයර්ලන්තය, සහ නෝර්වේ යන රටවල් තුන වෙනුවෙන්ම පසුගිය සතියේ පැවැති ඡන්ද විමසීමේදී ශ්‍රී ලංකාව සිය ඡන්දය භාවිත කිරීමෙන් වැළකී සිටියේය.
ඔවුන් වෙනුවෙන් ඡන්දය භාවිත නොකිරීමේ පදනමද ජිනීවාහි මෙරට නිත්‍ය නියෝජිත විසින් අදාළ රටවල් තුනට දැනුම්දී ඇතැයි වාර්තාවේ.
“මෙම රටවල් තුන සමගම පවතින සබඳතා පිළිබඳවත් නැවත සලකා බැලීමේ අවශ්‍යතාවක් තියෙනවා. ජාත්‍යන්තර තලයේදී මෙම රටවල් තුනම පිළිබඳවම බරපතළ ඇගැයීමක් සිදුකළ යුතුයි කියන ස්ථාවරයේ තමයි ශ්‍රී ලංකාව ඉන්නෙ” යැයි විදේශ සබඳතා පිළිබඳ අමාත්‍යාංශයේ ප්‍රකාශකයකු සඳහන් කළේය.
එක්සත් ජාතීන්ගේ ආරක්ෂක මණ්ඩලයේ ස්ථිර නොවන සාමාජිකත්වය වෙනුවෙන් ඡන්දය භාවිත කිරීමේ අයිතිය ශ්‍රී ලංකාව සතුවේ. මෙම අයිතිය භාවිත කරමින් රටකට ආරක්ෂක මණ්ඩලයේ ආසනයක් ලබාදීමේදී අදාළ රට ශ්‍රී ලංකාව පිළිබඳව අනුගමනය කරන විදේශ ප්‍රතිපත්තිය පිළිබඳව සලකා බැලීය යුතු බව එම ප්‍රකාශකයා පැවැසීය.
විශේෂයෙන්ම අයර්ලන්තය යුරෝපයට අයත් වන අතර යුරෝපා සංගමය ශ්‍රී ලංකාව පිළිබඳ සිය ප්‍රතිපත්තිමය තීරණවලදී දෙමළ ඩයස් පෝරාවේ හඬට කන්දීම ද මෙහිදී ලංකාවේ තීරණයට හේතුවී ඇත.
එසේම කැනඩාව හා නෝර්වේ යන රටවල් දෙකේම ශ්‍රී ලංකාව පිළිබඳ විදේශ ප්‍රතිපත්තීන්ද දෙමළ ඩයස්පෝරාවෙන් පවතින බලපෑමද මෙලෙස අදාළ රටවල් වෙනුවෙන් ඡන්දය ප්‍රකාශ කර නොසිටීමේ ශ්‍රී ලංකාවේ තීරණය බලපා ඇත.
