මහින්ද රාජපක්ෂ පාලන සමයේ සැලසුම් කළ ආකාරයට මේ රටේ ආර්ථිකය ඉදිරියට ගියේ නම් 2018 වසර වන විට ලංකාවේ ඩොලර් බිලියන 127ක ආර්ථිකයයක් තිබිය යුතු වුවද යහපාලන ආණ්ඩුව විසින් එය ඇ. ඩො. බිලියන 88 දක්වා පහළට ඇද දමා ඇතැයි ආචාර්ය නාලක ගොඩහේවා පවසයි.

ඒ අනුව මේ වන විට ලංකාවේ ආර්ථිකය අපේක්ෂිත ඉලක්කයට වඩා ඩො.බිලියන 10ක් ලබන වසර වන විට ඩොලර් බි. 40ක් ද පිටුපසින් සිටින බව ඔහු පෙන්වා දෙයි.

සමස්ත ආසියාවේ ආර්ථිකය 6%ක වේගයෙන් වර්ධනය වන විට ලංකාවේ ආර්ථික වර්ධන වේගය 3.1%කට කඩා වැටී ඇතැයි ද ශ්‍රී ලංකාව දැන් තරඟ කරන්නේ ආසියාවේ දුර්වලම ආර්ථිකයක් වන ඇෆ්ගනිස්ථානය සමග බවත් ආචාර්ය ගොඩහේවා හෙළි කළේය.

මේ වන විට ජනමාධ්‍ය රටේ ආර්ථිකය පිළිබඳ අවධානය යොමු නොකිරීම නිසා රටේ ආර්ථිකය පෙර කිසි දිනක නොවූ විරූ අගාධයක ඇති බව ජනතාවට අමතක වෙමින් ඇතැයි ද ඔහු පෙන්වා දුන්නේය.