යාපනය දිස්ත්‍රික්කයේ ධර්මපුරම් ගමේ පවුල් 86ක් සඳහා ඇත්තේ වැසිකිළි දෙකක් පමණක් බව පාර්ලිමේන්තු මන්ත්‍රී එම්.ඒ. සුමන්දිරන් පවසයි.

මේ නිසා ජනතාව මහත් පීඩාවට පත්ව ඇති බවත් ඒ ජනතාවට තවත් වැසිකිළි 10ක් තැනීම සඳහා ආධාර කරන ලෙසත් සුමන්දිරන් සමාජමාධ්‍ය වෙත වීඩියෝවක් මුදාහරිමින් ඉල්ලා සිටියි.

එක් වැසිකිළියක් සඳහා රු. ලක්ෂයක් උවමනා අතර සමස්ත ව්‍යාපෘතිය සඳහා රු. මිලියනයක් එකතු කර ගැනීම සඳහා ආධාර කරන ලෙස මන්ත්‍රීවරයා ඉල්ලා ඇත.

ඉදිරි වැසි කාලයට පෙර මෙම ව්‍යාපෘතිය සම්පූර්ණ කරන ලෙස ඔහු ඉල්ලා සිටින අතර සිය බැංකු ගිණුම ද ආධාර යොමු කිරීම සඳහා පළකර තිබේ. සුමන්දිරන් මෙම වීඩියෝවේ සුපුරුදු ඉංගිරිසි හෝ දෙමළ බසින් නොව සිංහල බසින් කතා කිරීම ද එම සටහන සිංහල බසින් ලියා තිබීම ද විශේෂත්වයකි.

එම ගිණුම් අංකය පහත දැක්වෙයි.

Name: M. A. Sumanthiran
Account number: 0002324677
Bank: Bank of Ceylon
Branch: Parliamentary Complex
Bank code: 7010
Branch code: 644
Swift key: BCEYLKLX

*යාපනය වසන්තපුරම් ප්‍රදේශවාසීන්ට වැසිකිලි පද්ධතියක් ඉදිකිරීමට දායක වන්න!*

යාපනය, වසන්තපුරම් ග්‍රාමයේ පවුල් 86ක් වාසය කරති. මෙම මුළු ගමටම ඇත්තේ වැසිකිලි 2ක් පමණි. මූලික සනීපාරක්ෂක අවශ්‍යතා සපුරා ගැනීමට නොහැකි වීමෙන් මෙම ජනතාව බොහෝ සෞඛ්‍ය ගැටළු වලට මුහුණ දෙති. 1/7#lka pic.twitter.com/Vcz8UwGdH1

— M A Sumanthiran (@MASumanthiran) September 18, 2020