රටේ සිදුවන ආරක්ෂක මෙහෙයුම්වල දී අත්අඩංගුවට පත්වන දෑ නොපෙන්වන ලෙස මාධ්‍ය වෙත වාරණ පැනවීම නිසා කටකතා පැතිරෙන්නට වැඩි ඉඩක් නිර්මාණය වන බවත් එම කටකතාවලදී කඩු තුවක්කු බවට පෙරළෙන බවත් විපක්ෂ නායක මහින්ද රාජපක්ෂ පවසයි.

පසුගිය සමයේ සෑම තැනක කුඩු අල්ලමින් මාධ්‍ය ඔස්සේ ප්‍රදර්ශනය කළ බවත් ඒ ආකාරයටම මෙම මෙහෙයුම්වල දී අත්අඩංගුවට ගන්නා දෑ ද ජනතාවට පෙන්විය යුතු බව ඔහු පෙන්වා දෙයි. සියලු මුස්ලිම් ජනතාව ත්‍රස්තවාදීන් නොවන බවත් මුස්ලිම් ජනතාව මෙන්ම සිංහල දෙමළ ජනතාව ද සමස්ත රටම අද භීතියට පත්ව ඇතැයි විපක්ෂ නායකවරයා සඳහන් කළේය.