මරණ දඬුවම ක්‍රියාත්මක කර සමාජ කම්පනය මැදින් ජනාධිපතිවරණයට යාමට උත්සාහ කළ ජනාධිපතිවරයා ප්‍රමුඛ ශ්‍රීලනිපය දැන් පස්ස ගහන්නේ මන්දැයි සිතාගත නොහැකි බව අමාත්‍ය අජිත් පී. පෙරේරා පවසයි.

එජාපය සහ පොදුජන පෙරමුණ ජනාධපතිවරණයක් ඉල්ලා සිටින පසුබිමක ශ්‍රීලනිපය පස්ස ගහන්නේ ඇයිදැයි මාධ්‍ය විමසූ විට ඇමතිවරයා මේ බව පැවසීය.

නව අගවිනිසුරුවරයා තෝරාපත් කළ පසු ජනාධිපතිවරයාගේ ධුර කාලය පිළිබඳ මතය විමසන බවට දයාසිරි ජයසේකර කළ ප්‍රකාශයට විරෝධය පළ කළ ඇමතිවරයා එය අධිකරණයේ ස්වාධීනත්වයට අභියෝග කරන අධිකරණය පිළිබඳ විශ්වාසය පළුදු කරන ප්‍රකාශයක් බව ද අවධාරණය කළේය.