එළඹෙන මැතිවරණ ඉලක්ක කරගෙන එක්සත් ජාතික පාක්ෂිකයන්ට පමණක් සමෘද්ධි දීමනා ලබා දීමේ වැඩපිළිවෙළක් ක්‍රියාත්මක බව සමස්ත ලංකා සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිළධාරීන්ගේ සංගමය පවසයි.

කොළඹ පැවැති මාධ්‍ය හමුවකට එක්වෙමින් එම සංගමයේ ලේකම් ජගත් කුමාර මහතා පවසන්නේ සමෘද්ධි නිලධාරින් සහ ග්‍රාමසේවා නිළධාරින් විසින් නිර්දේශ කර ඇති ලේඛනයට පරිබාහිරව දේශපාලන උවමනාවන් මත විවිධ පුද්ගලයින්ගේ නම් ඊට ඇතුළත් කර ඇති බවය.

මැතිවරණ ඉලක්ක කරගෙන සිදු කරන මෙම ක්‍රියාවලිය ඒ හා සම්බන්ධ නිලධාරීන්ගේ වෘත්තීය ජීවිතයට ද බලපෑම් කළ හැකි බව එම සංගමය වැඩි දුරටත් පෙන්වා දුන්නේය.