ආරක්ෂක ලේකම් හේමසිරි ප්‍රනාන්දු මහතාට සහ පොලිස්පති පුජිත ජයසුන්දර මහතාට ඉල්ලා අස් වෙන්නැයි ජනාධිපති මෛත්‍රීපාල සිරිසේන මහතා අද පෙරවරුවේ දැනුම් දී ඇතැයි රජයේ ආරංචිමාර්ග කියයි.

මේ අතර ආරක්ෂක ලේකම් හේමසිරි ප්‍රනාන්දු මහතා සුළු මොහොතකට පෙර ජනාධිපති ලේකම් කාර්යාලයට ගොස් ජනාධිපතිවරයා හමු වී ඇතැයිද වාර්තා වේ.

කෙසේ වුවද මෙතෙක් ඔවුන් දෙදෙනාගේ ප්‍රතිචාර පිළිබඳ කිසිවක් වාර්තා වන්නේ නැත. මෙයට පෙර ජනාධිපතිවරයා පවසා තිබුණේ ව්‍යවස්ථා සභාව මගින් පත් කළ පොලිස්පතිවරයා ඉවත් කිරීමේ හැකියාවක් තමන්ට නොමැති බවය.