කොටි සංවිධානයේ භාෂා පරිවර්තක ජෝර්ජ් මාස්ටර් මරුට..!

September 5, 2021 at 11:02 pm | by emanisa.lk
එල්.ටී.ටී.ඊ. සංවිධානයේ භාෂා පරිවර්තක ලෙස කටයුතු කළ ‘ජෝර්ජ් මාස්ටර්’ අද (05) යාපනය රෝහලේ දී අභාවප්‍රාප්ත වී ඇත.
පසුගිය මාස කිහිපයේ රෝගී තත්ත්වයන් යුතුව සිටි ඔහු මියැදෙන විට වයස අවුරුදු 85කි.
වෘත්තියෙන් තැපැල් ස්ථානාධිපතිවරයකු වූ වේලුපිල්ලේ කුමාරු පංචරත්නම් එල්.ටී.ටී.ඊ. සංවිධානය තුළ හඳුන්වන ලද්දේ ජෝර්ජ් මාස්ටර් යන නමිනි.
එල්.ටී.ටී.ඊ. සංවිධානයට සම්බන්ධ වීමෙන් අනතුරුව ඔහු එහි දේශපාලන අංශයේ නායක තමිල් සෙල්වම් සමඟ කටයුතු කළේය.
එල්.ටී.ටී.ඊ. සංවිධානයේ භාෂා පරිවර්තකයකු වූ ජෝර්ජ් මාස්ටර් ඉංග්‍රීසි සහ සිංහල භාෂා ප්‍රවීණයකු වූ අතර ශ්‍රී ලංකා ආණ්ඩුව සහ කොටි සංවිධානය අතර රට තුළ සහ විදේශයන්හි පැවැත්වුන සාම සාකච්ඡාවන්හි දී භාෂා පරිවර්තකයකු මට්ටමින් ඒවාට සහභාගී විය.
යුද්ධය නිමාවේ යුදකලාපයෙන් පිටව අනාථ කඳවුරකට පැමිණීමෙන් පසු අත්අඩංගුවට පත්වූ ජෝර්ජ් මාස්ටර් නීතිපති උපදෙස් මත හත්වසරකට පසු 2016 ජුලි 04 දා ඇප මත මුදා හරිනු ලැබිණි.
 
 


Leave a Reply

Your email address will not be published.

මුල් බිස්ස