අද වන විට බොහෝ පළාත් සභාවල මහ ඇමති මෙන්ම ඇමති ද බවට ආණ්ඩුකාරවරයා පත්ව ඇතැයි මධ්‍යම පළාත් ආණ්ඩුකාර මෛත්‍රීි ගුණරත්න පවසයි.

අපේ රටේ නීතිය අනුව අවුරුදු පහෙන් පහට පළාත් සභා ඡන්දය පැවැත්විය යුතු බවත් එසේ නොපැවැත්වීම වැරදි බවත් හෙතෙම පවසයි. පළාත් සභා ඡන්දය පැවැත්වීම නිසා විශාල ප්‍රශ්නයකට මුහුණ පෑමට සිදුවිය.

එහෙයින් පළාත් සභා ඡන්දය පැවැත් වුවහොත් ජනතාව විසින් තමන් ගෙදර යවන නිසා පළාත් සභා ඡන්ද පැවැත්වීමට ආණ්ඩුව කටයුතු නොකරන බවත් තව අවුරුද්දකටවත් පළාත් සභා ඡන්ද නොපවත්වන බවත් ආණ්ඩුකාරවරයා වැඩි දුරටත් පවසයි. මේ ආකාරයට පළාත් සභා මැතිවරණ නොපවත්වා සිටීම නීති විරෝධී බවත් ඔහු අවධාරණය කරයි.