හදිසියේ ජාතිකත්ව සංකල්පයට මුවා වී තම දේශපාලන අවශ්‍යතා ඉටු කර ගැනීමට සූදානම් වන සිංහ සම පොරවා ගත් බැටළුවන්ගෙන් පරිස්සම් වන ලෙස ඥානසාර හිමි ඉල්ලා සිටි බව සිංහලේ අපි සංවිධානයේ සභාපති පූජ්‍ය ජඹුරේවල චන්ද්‍රරතන හිමි පවසයි.

චන්ද්‍රරතන හිමි මේ බව ප්‍රකාශ කළේ සිරගතව සිටින ගලගොඩඅත්තේ ඥානසාර හිමි මුණගැසීමට ගොස් පැමිණි අවස්ථාවේ මාධ්‍ය අමතමිනි.

ජනාධිපතිවරයා සහ ඥානසාර හිමි අතර ඇති වූ කතාබහ අනුව සතියක් වැනි කාලයක් ඇතුළත ඥානසාර හිමි නිදහස් කිරීමට කටයුතු කරනු ඇතැයි විශ්වාස කරන බවත් චන්ද්‍රරතන හිමි සඳහන් කළේය.