හිටපු ජනාධිපති මෛතීපාල සිරිසේන ශ්‍රී ලංකා පොදුන සන්ධානයේ සභාපති ධුරයට පත්වීම අලුත් දෙයක් නොවන බවත් ජනාධිපතිවරණය අවස්ථාවේ ද ඔහු සිටියේ සිය කඳවුරේ බවත් අමාත්‍ය විමල් වීරවංශ පවසයි.

රට හමුවේ ඇති ආර්ථික අභියෝග ජය ගැනීමටත් රටට අහිතකර විදෙස් ගිවිසුම් අහෝසි කිරීමටත් රණවිරුවන්ට එරෙහිව ජාත්‍යන්තර වශයෙන් ගෙන යන කුමන්ත්‍රණය පරාජය කිරීමටත් ඉදිරි මහ මැතිවරණයේදී 2/3ක බලයක් සහිත ශක්තිමත් ආණ්ඩුවක් පිහිටවිය යුතු බව ඇමතිවරයා පෙන්වා දෙයි.

ඒ සඳහා උවමනා ශක්තිමත් පෙරමුණක් ගොඩනැඟීම සඳහා ජනාධිපති ගෝඨාභය රාජපක්ෂගේ උපදෙස් පරිදි මෙම සන්ධානය ගොඩනැඟූ බව ද හෙතෙම වැඩි දුරටත් පැවසීය.