තම බිරිඳගේ සහෝදරයා රෝහලේදී එන්නතක් වැරදීමකින් මියගිය බව පාර්ලිමේන්තු මන්ත්‍රී විමලවිර දිසානායක සඳහන් කරයි.

තමන්ගේ නැගණිය ද 2014 වසරේ පාදයේ සිදුකරන ලද ශල්‍ය කර්මයක් හේතුවෙන් දැඩි රුධිර වහනය මත මිය ගිය බව ද ඔහු පැවසීය.

තම නැගණියගේ රුධිරය වහනය වෙද්දි එය නැවැත්වීමට හෝ නැවත රුධිරය ලබාදීමට වාට්ටුව භාර වෛද්‍යවරිය කටයුතු නොකළ බව ද එය සාහසික අපරාධයක් ලෙස තමන් සලකන බව ද ඔහු පවසයි.

එහෙත් ඒ හේතුවෙන් සමස්ත වෛද්‍ය පරපුරට ම සාප නොකරන බව ද එක වෛද්‍යවරයෙකුගේ වැරැද්ද නිසා මේ රටේ සියලු දෙනාටම රෝහලට යන්නට එපා නොකියන බවත් හෙතෙම කියා සිටී.

ශ්‍රී ලංකා පොදුජන පෙරමුණේ මූලස්ථානයේ දී මාධ්‍ය හමුවක් අමතමින් ඔහු මෙම අදහස් පල කරන ලදී.