නසීර් අහමඩ් තීන්දුවත් සමග වැට පැන්න මැති ඇමැති රොත්තක් ගෙදර…?
October 7, 2023 at 7:17 pm | by emanisa.lk
පරිසර ඇමති නසීර් අහමඩ් ශ්‍රී ලංකා මුස්ලිම් කොංග්‍රසයේ සාමාජිකත්වයෙන් නෙරපීම නීති විරෝධී යැයි පවසමින් ශ්‍රේෂ්ඨාධිකරණයට ගොනුකරන ලද පෙත්සම ප්‍රතික්ෂේප වීමෙන් පසු ඔහුට මන්ත්‍රී ධුරය ද අහිමි වීමේ අවදානමක් ඇතැයි වාර්තා වෙයි.
ඒ ශ්‍රී ලංකා මුස්ලිම් කොංග්‍රසය මේ වන විටත් ඔහු මන්ත්‍රි ධූරයෙන් ඉවත් කිරීමට තීරණය කර ඇති නිසාය.
ඒ අතර දැනටමත් දේශපාලන පක්ෂ මාරු කරන ලද මන්ත්‍රීවරු පිරිසක් විසින් ශ්‍රේෂ්ඨාධිකරණය වෙත ගොනු කර තිබෙන පෙත්සම් කිහිපයක්ම විභාග වෙමින් පවතින අතර ඔවුන්ට ද මෙම තීන්දුව අත්වේද යන්න මේ වන විට ක්ෂේත්‍රයේ දැඩි කතා බහට ලක්වෙමින් ඇත.
නසීර් අහමඩ් සම්බන්ධයෙන් ශ්‍රේෂ්ඨාධිකරණ තීන්දුව එළඹෙන 17දා පාර්ලිමේන්තුව රැස්වූ පසු සභාවට ඉදිරිපත් කිරීමට නියමිතය.
අනතුරුව ඔහු මන්ත්‍රී ධූරයෙන් නෙරපීම සිදු කරන්නේ නම් ඒ සම්බන්ධයෙන් පාර්ලිමේන්තු මහ ලේකම් විසින් මැතිවරණ කොමිසන් සභාවට දැනුම් දීමෙන් පසු අදාල දිස්ත්‍රික්කයේ ඊළඟට වැඩිම මනාප ලබා ගත් අපේක්ෂකයා මන්ත්‍රී ධුරයට පත් කරන ලද බව ගැසට් කිරීම ක්‍රමවේදයයි.
