ජවිපෙ මන්ත්‍රීවරයෙක් පිළිම වන්දනාව ප්රතික්ෂේප කරද්දී ජවිපෙ ජාතික ලැයිස්තුවේ ඊබ්රාහිම් පාස්කු ප්රහාරයට ලක්ෂ 15ක් දුන්නා….! – සරත් වීරසේකර…
April 11, 2021 at 5:44 pm | by emanisa.lk
පාස්කු ප්රහාරයට සම්බන්ධ සියලු දෙනාට ම එරෙහිව නීතිය ක්‍රියාත්මක කොට, ඔවුනගේ සියලු දේපළ රාජසන්තක කොට ප‍්‍රහාරයේ වින්දිතයන්ට අමතර වන්දියක් ලබාදීමට හැකි දැයි සලකා බලන බව මහජන ආරක්‍ෂාව පිළිබඳ ඇමැති සරත් වීරසේකර පවසයි.
ඔහු ඒ පිළිබඳව තවදුරටත් කරුණු විග්‍රහ කරමින් මෙසේ ද පැවසීය;
පාස්කු ප‍්‍රහාරය නිසා මියගිය හා තුවාල ලැබූ පුද්ගලයින් පිළිබඳව අදත් අපි පසුතැවිලි වෙනවා. මේ ප්රහාරයට සම්බන්ධ ඕනෑම අයෙක් තරාතිරම නොබලා නීතිය කි‍්‍රයාත්මක කරනවා. ගෝඨාභය රාජපක්ෂ ජනාධිපතිතුමාගේ පාලනය යටතේ මෙම විමර්ශන ඉක්මන් වුණා. ප්රහාරයට සම්බන්ධ පිරිසක් අත්අඩංගුවට ගෙන තිබෙනවා.
මෙම ප්රහාරයට සම්බන්ධ විදෙස්වල සිටි 58 දෙනාගෙන් 54 දෙනෙක්ම මේ රටට ගෙනැවිත් තිබෙනවා. ප්රහාරයට සම්බන්ධ තිස් ගණනකට එරෙහිව නඩු පැවරීමට ද ක්‍රියා කර තිබෙනවා. දැන් මේ ප්රහාරයට සම්බන්ධ අයට එරෙහිව නීතිමය ක්‍රියාමාර්ග ගැනීම තිබෙන්නේ නීතිපති අතේයි. ඔහු ඒ පිළිබඳ ඉතා ඉක්මනින් ක්‍රියා කරයි කියා බලාපොරොත්තු වෙනවා.
යහපාලන රජය සිය බලය වෙනුවෙන් සිතා කටයුතු කළ නිසා පාස්කු ප්රහාරයට ඉඩකඩ සැලසුණා. සහරාන් පිළිබඳ තොරතුරු ලැබී තිබියදීත් ඔහුව අත්අඩංගුවට ගනු ලැබුවේ නෑ. එලෙස ඔහු අත්අඩංගුවට ගැනීම සිදු කළා නම් මෙම ම්ලේච්ඡ ප‍්‍රහාරය නවත්තන්න තිබුණා. එම නිසා මෙම ප‍්‍රහාරය පසුගිය රජය නියෝජනය කළ සියලූම දේශපාලනඥයින් වගකිව යුතුයි. සහරාන්ගේ අනුගාමිකයන්ගේ නිවාස පවා පෙන්වා තිබියදී ඔවුන් අත්අඩංගුවට ගනු ලැබුවේ නෑ. මෙම පරීක්ෂණ නිසි පරිදි ක්‍රියාත්මක කළා නම් ප‍්‍රහාරය නවත්වා ගැනීමට හැකියාව තිබුණා.
පාස්කු ප්රහාරයට දින පහකට පෙරත් සහරාන් පිපිරීමක් කර අත්හදා බැලීමක් කර තිබුණා. ඒ මොහොතේදීවත් ඔහු අත්අඩංගුවට ගත්තා නම් මෙම ප‍්‍රහාරය වළක්වා ගැනීමට තිබුණා. සී. අයි.ඩී. සහ ටී. අයි. ඩී. නිලධාරීන්ට නිසි පරිදි කටයුතු කරන්න එම කාලය තුළ හැකියාව ලැබුණෙත් නෑ. එමනිසා මෙම ප‍්‍රහාරය සම්බන්ධයෙන් ප‍්‍රගතිය කුමක්ද කියා ඇසීමටවත් එවකට ආණ්ඩුවේ සිටිය අයට අයිතියක් නෑ. මෙම ප්රහාරයට සම්බන්ධ කිසිවෙකුට 2015 ට පෙර හෝ 2015 ට පසුව කිසිදු මුදල් ගෙවීමක් සිදු කර නැහැ.
සහරාන්ට අන්තවාදී ක්‍රියා සිදු කිරීමට රුපියල් ලක්ෂ 500 ක් ලැබී තිබුණා. එයින් ලක්ෂ 300 ක් ඔහුගේ අනුගාමිකයන් ළඟ තිබී හමුවුණා. ඊබ්රාහිම් ද මේ සඳහා රුපියල් ලක්ෂ 15 ක් ලබා දී තිබෙනවා. ඔහුගේ ලේලිය දෙමටගොඩ නිවසේදී පුපුරුවාගෙන සියදිවි නසා ගනු ලැබුවා. ඒ වගේම මෙම පුද්ගලයා ජවිපෙ සමග කටයුතු කිරීම ඉතා ගැටලු සහගතයි. එම පක්ෂයේ මන්ත්‍රීවරයකු පිළිම වන්දනාව ප්රතික්ෂේප කිරීමත් ගැටලුවක් සහරාන් සහ ඔහුගේ අනුගාමිකයින් පිළිම වන්දනාව ප්රතික්ෂේප කළ අයයි.
අපේ විමර්ශනවලට අනුව නවුෆර් නමැත්තා සහරාන්ගේ න්‍යායාචාර්ය වශයෙන් කටයුතු කර තිබෙනවා. මේ බව සහරාන්ගේ බිරිඳගේ කට උත්තරයෙනුත් ඔප්පු වෙනවා. ඒ වගේම ඇමරිකාව මගින් නිකුත් කරපු වාර්තාවකිනුත් ඒ බව පැහැදිලියි. නවුෆර් මවුලවි මෙහි මහ මොළකරු ලෙස පත් කළේ කරුණු ඇතිවයි.
(දිවයින)
