බුර්කාව හැඳගෙන හෝමාගම මූලික රෝහලේ සේවයට පැමිණි වෛද්‍යවරියකට විරෝධය පෑම නිසා සේවයෙන් ඉවත්වීමට අදාළ ලිපිය රෝහල් අධිකාරිවරයාට භාර දී තිබේ.

මෙම වෛද්‍යවරිය අප්‍රේල් මස අවසාන සතියේ දිනක බුර්කාව හැඳ රෝහලේ බාහිර රෝගී අංශයේ සේවයට පැමිණ ඇති අතර රෝගීන් එම වෛද්‍යවරියගෙන් ප්‍රතිකාර ගැනීම ප්‍රතික්ෂේප කර තිබේ. අනතුරුව රෝහල් කාර්ය මණ්ඩලය ද බුර්කාවක් හැඳ රෝහලට පැමිණීම පිළිබඳ විරෝධය පළකර තිබේ.

අනතුරුව අදාළ වෛද්‍යවරියගේ පියා කැඳවා තත්ත්වය පැහැදිලි කර දී ඇති අතර දින කිහිපයකට පසු මෙම ඉල්ලා අස්වීමේ ලිපිය භාර දී තිබේ. කෙසේ වුවද මේ වන විට බුර්කාව හැඳීම ශ්‍රී ලංකාවේ තහනම්ය.