ඇමති රාජිත ජනපති අපේක්ෂකත්වය ලබා ගැනීමේ මෙහෙයුම් අරඹයි!

July 13, 2019 at 10:54 pm | by Editorial

සෞඛ්‍ය අමාත්‍ය රාජිත සේනාරත්න එක්සත් ජාතික පෙරමුණේ ඉදිරි ජනාධිපතිවරණ අපේක්ෂකත්වය තමා වෙත බලාපොරොත්තු වෙමින් ප්‍රචාරණ මෙහෙයුමක් ආරම්භ කර ඇතැයි වාර්තා වෙයි.

ලෝක සෞඛ්‍ය සමුළුවේ උප සභාපති ධූරය හිමි වූ පුවත සඳහන් කරමින් ඔහුට සුබපැතූ බැනර් හා කටවුට් ප්‍රධාන රෝහල් ඉදිරිපිට එල්ලා ඇත්තේ එම ප්‍රචාරණ ව්‍යාපෘතියෙහි කොටසක් ලෙස බව එම ආරංචිමාර්ග පවසයි.

ඊට අමතරව රටම ආවරණය වන පරිද්දෙන් රාජිත සේනාරත්න සෞඛ්‍ය අමාත්‍යවරයාට සුබපතමින් පෝස්ටර් අලවා ඇත්තේද එම ප්‍රචාරණ කටයුතුවල දිගුවක් ලෙසය.

සෞඛ්‍ය අමාත්‍ය රාජිත සේනාරත්නගේ කාලසීමාව තුළ සිදුකළ කටයුතු උත්කර්ෂයට නංවමින් ඉදිරියේදී උත්සවයක් පැවැත්වීමටද බලොපොරොත්තු වන බවද ඇමතිවරයාට හිතවත් ආරංචිමාර්ග ප්‍රකාශ කළේය.

පසුගිය කාලසීමාවේදී එජාපයේ ප්‍රබල අමාත්‍යවරුන් වන පාඨලී චම්පික රණවක, ලක්ෂ්මන් කිරිඇල්ල, සරත් ෆොන්සේකා යන එක්සත් ජාතික පක්ෂ පෙරමුණේ ප්‍රබල අමාත්‍යවරුන්ද ඉදිරි ජනාධිපතිවරණ අපේක්ෂකත්වය බලාපොරොත්තුවෙන් ප්‍රචාරණ මෙහෙයුම් ආරම්භ කර ඇත.

  •   
  •   


Leave a Reply

Your email address will not be published. Required fields are marked *

මුල් බිස්ස