වර්තමාන ආණ්ඩුවේ තමාගේ අවවාද උපදෙස් පිළිගන්නා කිසිවකු නොමැති බව ජනාධිපති මෛත්‍රීපාල සිරිසේන පවසයි. කොළඹ නුවර අධිවේගී මාර්ගය තැනීමේ දී කඳු සමතලා නොකර එම කටයුතු කරන ලෙස අදාළ බලධාරීන්ට දැනුම් දුන්න ද ඊට ඇහුම්කන් නොදී කඳු කපා පරිසරය විනාශ කරමින් ඉදිකිරීම් කටයුතු කරන බව ජනාධිපතිවරයා පවසයි.

පරිසරය ඇමතිවරයා ලෙස කොළඹ ලොකු හාදයාට මෙන්ම නුවර ලොකු හාදයට ද කඳු නොකපා අධිවේගී මාර්ගය තනන ලෙස තමා උපදෙස් ලබා දුන්න ද ඉන් පලක් වී නොමැත. අදත් කුරුණෑගල සිට නුවරට ගමන් කිරීමට ගතවන්නේ විනාඩි 35ක් පමණි. එහෙයින් පරිසරය විනාශ නොකර මාර්ගය තනන ලෙස උපදෙස් දුන්න ද බලධාරීන් ඒවා නොතකා පරිසරය විනාශ කරන බවට ජනාධිපතිරයා චෝදනා කරයි.