ආරක්ෂක මණ්ඩලයේ සාකච්ඡා කරන කරුණු නොනිල ලෙස මාධ්‍යවල පළ වූ නිසා ආරක්ෂක මණ්ඩලයේ ව්‍යුහය වෙනස් කොට ජාතික ආරක්ෂක කමිටුව පිහිටුවා සති දෙකකට වරක් රැස්වූ බව ජනාධිපති මෛත්‍රීපාල සිරිසේන මහතා ට්විටර් පණිවිඩයක් නිකුත් කරමින් පවසයි.

එසේම ජ්‍යෙෂ්ඨ පොලිස් නිලධාරීන්ගේ සහභාගීත්වයෙන් 2019/04/08 වන දින පැවති රැස්වීමේ දී 21 වෙනි දින එල්ල වූ ප්‍රහාරය පිළිබඳ තමා දැනුම්වත් කළ බවට පළ වන වාර්තා ප්‍රතික්ෂේප කරන බව ද එහි සඳහන් වෙයි.

මෙම ජාතික ආරක්ෂක කමිටුවට අගමැති රනිල් වික්‍රමසිංහ, රාජ්‍ය ආරක්ෂක ඇමති රුවන් විජේවර්ධන සහභාගී වී නැත. එසේම ජාතික බුද්ධි අංශ ප්‍රධානීයා ද ඊට එක් වී නොමැති බව ඔහු පාර්ලිමේන්තු කමිටුව හමුවේ ඊයේ කළ ප්‍රකාශයෙන් තහවුරු වෙයි.