අමාත්‍ය නලින්ද ජයතිස්ස පසුගියදා අනාවරණය කළ නැගෙනහිර මුස්ලිම් අන්තවාදී කණ්ඩායමට නායකත්වය ලබා දෙන්නේ කල්මුණේ රෝහලක සේවය කරන වෛද්‍යවරයෙක් බව බොදුබල සේනා සංවිධානයේ මහ ලේකම් ගලගොඩඅත්තේ ඥානසාර හිමි පවසයි.

සුපර් මුස්ලිම් නම් මෙම සංවිධානය මෙහෙය වන මෙම වෛද්‍යවරයා දැනටමත් රජයේ රෝහලක සේවය කරන බවද එහිමියන් ප්‍රකාශ කරයි.

මේ ලෝකය වැඩක් නොමැති බවත් දරුවන්ට අධ්‍යාපනය ලබා නොදිය යුතු බවත් පොතපත නොකියවිය යුතු බවත් දේශනා කරන මෙම අන්තවාදී නායකයා, දෙවියන් උදෙසා ජීවිත දානය දෙන ලෙස උගන්වමින් සිටින බව ද උන් වහන්සේ පවසයි.

මේ වන විට ඔහුගේ අනුගාහිකයන් දරුවන් පාසල් යැවීම නතර කර ඇති බව ද ඥානසාර හිමි අනාවරණය කරයි.

චමුදිත සමරවික්‍රම සමග සාකච්ඡාවකට එකතු වෙමින් ගලගොඩඅත්තේ ඥානසාර හිමි මේ බව ප්‍රකාශ කර ඇත.