ගෝඨාභය රාජපක්ෂ ජනාධිපති ධූරයේ තබාගෙන අන්තර්වාර ආණ්ඩුවක් පිහිටු වීමේ යෝජනාව ප්‍රතික්ෂේප කරන බව ජනතා විමුක්ති පෙරමුණ පවසයි.

ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක පැවසුවේ එවැනි කිසිදු යෝජනාවකට පක්ෂය කිසිසේත් එකඟ නොවන බවයි.

රටේ ස්ථාවරත්වය තව දුරටත් පිරිහී ගියත්, විවිධ දුෂ්කරතා නිසා මහජනතාව පීඩාවට පත්වුණත්, පාලනය බිඳ වැටුණත්, ගෝඨාභය රාජපක්ෂ බලා සිටින්නේ බලයේ රැඳී සිටීමටයි. සහෝදර පුතුන්ගෙන් සැඳුම්ලත් මේ පාලනය රටේ ජනතාව විසින් අවසන් කළ යුතුයි. මහජනතාවගේ මූලික අවශ්‍යතා සපුරාලීමට සහ ජාතිය ගොඩනැගීමට රජයට නොහැකි බව පුන පුනා ඔප්පු වී තිබෙනවා.”

ජනාධිපතිවරයා සහ ඔහුගේ රජය ඉල්ලා අස්විය යුතු බවත් අන්තර්වාර ආණ්ඩුවක් පිහිටුවා ඉන්පසු මැතිවරණයක් කැඳවීම අත්‍යවශ්‍ය බවත් ඔහු පෙන්වා දුන්නේය.

වත්මන් අර්බුදය විසඳිය හැක්කේ ජනතාවගේ ආශීර්වාදය ඇතිව නව රජයක් පිහිටු වීමෙන් පමණක් බව කී ජවිපෙ නායකයා, ආණ්ඩුව ඉවත් නොවන්නේ නම් එම තත්ත්වයට විසඳුම් සෙවීම සඳහා ජනතා බලය යෙදවිය යුතු බව ද වැඩිදුරටත් පැවසීය.