අධික වර්ෂාවක දී පවා කොළඹ ගං වතුරින් යට නොවන්නේ තමන් විසින් නාගලම්වීදිය පොම්පාගාරය ඉදිකළ නිසා බව හිටපු ඇමැති පාඨලී චම්පික රණවක පවසයි.

එසේ නොවන්නට මුළු කොළඹ ම වර්ෂාව සමඟ ගං වතුරින් යට වන බව පාඨලී චම්පික රණවක අවධාරණය කරයි.

එහෙත් වර්තමාන ආණ්ඩුවට අඹතලේ සහ කොළොන්නාව පොම්පාගාර ඉදිකර ගැනීමට මෙතෙක් නොහැකි වී ඇති බව ද කනගාටුවෙන් වුව ද ප්‍රකාශ කළ යුතු බව ද හෙතෙම ප්‍රකාශ කරයි.

ඒවායේ ඉදිකිරීම් අවසන් කළේ නම් කඩුවෙල සහ කොළොන්නාව ගං වතුරින් ආරක්ෂා වන බව පවසන හිටපු ඇමැතිවරයා වහා ම තමා නිර්මාණය කළ එම පොම්පාගාර සහ උතුරු කොළඹ උමං පද්ධතිය ක්‍රියාත්මක කර කොළඹ ගං වතුරින් ආරක්ෂා කර ගැනීමට කටයුතු කරන මෙන් රජයෙන් ඉල්ලා සිටියි.