ඇෆලටොක්සින් පිළිකාකාරක අඩංගු තවත් බොහෝ ආහාර වර්ග මෙරට වෙළඳපළේ ඇති බව ශ‍්‍රී ලංකා ප‍්‍රමිති ආයතනය සඳහන් කරයි.

එහි අධ්‍යක්‍ෂ ජනරාල් සිද්ධිකා සේනාරත්න පවසන්නේ එම ආහාර වර්ග හෙලිකළහොත් ඒවා නිෂ්පාදන සමාගම් බිඳ වැටීමට ඉඩ තිබෙන බවයි.

එනිසා ජනතාව පොඩි කාලයක් එම ආහාර භාවිත කරද්දී එම කාලය තුළ අඩුපාඩු නිවැරදි කරන්නැයි නිෂ්පාදන සමාගම්වලට දන්වන බව ද ඇය සඳහන් කළා ය.

පිළිකාකාරක අඩංගු පොල්තෙල් ආනයනය කළ සමාගම් තව දුරටත් තෙල් ගෙන්වන බවත් ආනයනය අත්හිටුවීමට තම ආයතනයට බලයක් නැති බවත් ඇය තව දුරටත් කියා සිටියි.