ධම්මික පෙරේරා ජනාධිපතිවරණයට ඉදිරිපත් වන්නේ නම් ඔහු හොඳ අපේක්ෂකයකු බව ශ්‍රී ලංකා පොදුජන පෙරමුණේ නායක මහින්ද රාජපක්ෂ පවසයි.

කෙසේ වෙතත් ශ්‍රී ලංකා පොදුජන පෙරමුණේ ජනාධිපතිවරණ අපේක්ෂකයා කවුරුන්ද යන්න පිළිබඳව තවමත් තීරණය කර නොමැති බවයි, හිටපු ජනාධිපතිවරයා සඳහන් කළේ.

මහින්ද රාජපක්ෂ මේ බව පැවසුවේ පෙරේදා (20) කොළඹ, පදනම් ආයතනයේ පැවති උත්සවයකට සහභාගී වීමෙන් අනතුරුව මාධ්‍යවේදීන් නැඟූ ප්‍රශ්න කිහිපයකට පිළිතුරු ලබාදෙමිනි.