විදේශගත ශ්‍රී ලාංකිකයන් මෙරටට පැමිණීමේ දී නිරෝධායනය කාලය දින හතක් දක්වා අඩු කිරීමට අනුමැතිය දෙන්නැයි සෞඛ්‍ය අංශ බලධාරීන්ගෙන් ඉල්ලීමක් කරන බව කෝවිඩ් -19 පාලනය කිරීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා පවසයි.

ඒ සම්බන්ධයෙන් සෞඛ්‍ය බලධාරීන්ගේ තීරණය හෙට ප්‍රකාශයට පත් කෙරෙනු ඇතැයි ද යුද හමුදපතිවරයා සඳහන් කරයි.

විදෙස්ගත ශ්‍රී ලාංකිකයන් මෙරටට පැමිණීමේ දී ඔවුන් හෝටල්වල හෝ නිරෝධායන මධ්‍යස්ථානවල දින 14ක් නිරෝධායනයට යොමු කෙරිණි.

මෙම දිගු නිරෝධායනය තමන්ට දැඩි පීඩාවක් බව විශාල පිරිසක් රජයට හා ආරක්ෂක අංශ ප්‍රධානීන්ට පැමිණිලි කර තිබිණි.