සජබ මන්ත්‍රීලාට රනිල්ගෙන් බාර් පර්මිට්…!
July 1, 2023 at 12:26 pm | by emanisa.lk
මේ වන විට සමගි ජන බලවේගයේ සිටින මන්ත්‍රීවරුන් ජනාධිපති රනිල් වික්‍රමසිංහගෙන් බාර් ලයිසන් ගෙන ඇතැයි සජබ පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර චෝදනා කරයි.
ඈ සඳහන් කරන්නේ, සජබ නායක සජිත් ප්‍රේමදාසට ඒ පිළිබඳ සියලු තොරතුරු තමන් දැනුම් දී ඇති බවයි.
ඇමැති හරීන් ප්‍රනාන්දු සමග රාත්‍රීයට සමාජශාලාවල මත්පැන් පානය කරන සජබ අයගේ පින්තූර පවා තමා සතුව ඇති බවයි, හිරුණිකා ප්‍රකාශ කළේ. මේ කණ්ඩායම් දෙපැත්තේ ම කකුල තබා ගෙන අවස්ථාවාදී දේශපාලනයක නිරත වන බව ද ඇය කීවාය.
මේ අයගේ නම්ගම් හෙළිදරව් කොට උඩ බලාගෙන කෙළ ගසාගත නොහැකි බව ද ඇය පෙන්වා දෙයි. සජිත් ප්‍රේමදාස අතිශය විශ්වාස කළ හරීන් ප්‍රනාන්දු, ඩයනා ගමගේ සහ මනූෂ නානායක්කාර , පී. හැරිසන් පැදුරටත් නොකිය රනිල් සමග එකතු වූ බව ද හිරුණිකා ප්‍රේමචන්ද්‍ර පෙන්වා දෙයි.
නෙත් FM නාලිකාව සමග සාකච්ඡාවකට එකතු වෙමින් හිරුණිකා ප්‍රේමචන්ද්‍ර මේ බව සඳහන් කළාය.
