වාහන කොට උඩ යන ලකුණු…! ඉන්ධන කූපන් ක්‍රමයට…!
December 20, 2021 at 8:33 am | by emanisa.lk
අඩු ආදායම්ලාභී ජනතාව සඳහා අත්‍යවශ්‍ය ආහාර ද්‍රව්‍ය කූපන් ක්‍රමයකට ලබා දෙන ලෙස අමාත්‍ය වාසුදේව නානායක්කාර ආණ්ඩුවෙන් ඉල්ලීමක් කරයි.
එමෙන්ම තෙල් භාවිතය කූපන් ක්‍රමයක් අනුව සලාක ක්‍රමයකට නිකුත් කිරීමට කටයුතු කරන ලෙසත් එමගින් තෙල් භාවිතය අඩුකරගත හැකි වැඩපිළිවෙළක් සොයා බලන ලෙස අමාත්‍යවරයා පවසයි.
“ආණ්ඩුව අමාරු කාලයකට මුහුණ දී තිබෙන්නේ. ඒ නිසා මජනතාවටත් එක්තරා අමාරුකම්වලට මුහුණදෙන්න වෙලා තිබෙනවා.
ඔවුන්ගේ කලකිරීම ඉවත්කර ගැනීමට අවශ්‍ය විශ්වාසයක් ලබාදෙන්න අපි ලෑස්ති. අපි යෝජනා කරනවා අත්‍යවශ්‍ය ආහාර ද්‍රව්‍ය අඩු ආදායම්ලාභී ජනතාවට අඩුමිලකට කූපන් ක්‍රමයකට ලබාදෙන්න කියලා.
ඒ වගේම තෙල් භාවිතය කූපන් ක්‍රමයක් අනුව සලාක ක්‍රමයකට නිකුත් කිරීමට ක්‍රියාකරන්න. එමගින් තෙල් භාවිතය අඩු කරගන්න පිළිවෙළක් බලන්න.”
ඊයේ (19) පැවැති මාධ්‍ය හමුවක දී අදහස් දක්වමින් අමාත්‍යවරයා ඒ බව සඳහන් කළේය.
