ඩුබායිහිදී අත්අඩංගුවට ගත් ප‍්‍රබල පාතාල කල්ලි නායකයෙක් හා මත්ද්‍රව්‍ය ජාවාරම්කරුවෙක් වන මාකදුරේ මධුෂ් මෙරටට ගෙන ඒම සදහා වන සැලසුමට මෙරට දේශපාලන ප‍්‍රබලයෙක් විසින් බාධා කරමින් සිටින්නේ යයි වාර්තා පල වෙයි.

මධුෂ් මෙරට ගෙන ආවහොත් ඔහු විසින් කරනු ඇති හෙලිදරවු හේතුවෙන් තමනට දැඩි බලපෑමක් වේයයි අදහසින් මෙම ප‍්‍රබලයා දැනටමත් මාකදුරේ මධුෂ් මෙරටට ගෙන ඒමේ උත්සාහයට විරුද්දව සමාජ ජාලාවල කණ්ඩායම් යොදවමින් ඊට එරෙහි මත සාදමින් සිටියි.

මාකදුරේ මධුෂ්ට ඩුබායිහිදී මරණ දඩුවම දිය යුතු බවටත් ලංකාවට ගෙන ආවහොත් නිදහස් වනු ඇති බවටත් මතවාද ප්‍රචාරය පිටුපස සිටින්නේ මොහු බව පැවසෙයි.

මදූෂ්ට එරෙහිව ඩුබයි නීතිය අනුව කටයුතු කළහොත් ඔහු නැවත ලංකාවට ගෙන ඒම අපහසු වනු ඇතැයි නීතිවේදීහු පවසති. මේ අතර මදූෂ්ට එරෙහිව නීතිය ක්‍රියාත්මක කළ යුත්තේ ඔහු අත්අඩංගුවට ගත් රටේ අධිකරණය බව අගමැති රනිල් වික්‍රමසිංහ ඊයේ පාර්ලිමේන්තුවේ දී ප්‍රකාශ කොට තිබිණි.