මේ රටේ ජීවත් වන සිංහල බෞද්ධයින්ට මිස අනෙකුත් ජන කොටස්වලට නිදහසක් ලැබී නොමැති බව දෙමළ ජාතික සන්ධානය පවසයි.
එහි මාධ්ය ප්රකාශක එම්.ඒ. සුමන්තිරන් පෙන්වා දෙන්නේ සිංහල බෞද්ධයින්ට ද නිදහසක් නොමැති බව දැන් ඔවුන් වටහා ගෙන ඇති බවයි.
“නිදහස ලැබුණ විගසම ප්රජාතන්ත්රවාදය කියන මුවාවෙන් බහුතරවාදයක් වෙලා ඒක පරිවර්තනය වුණා. ඒ නිසා මේ රටේ ජීවත්වන අනිත් ජන කොටස්වලට නිදහසක් ලැබුණේ නෑ.
සිංහල බෞද්ධ ජනතාව තමන්ට නිදහස ලැබුණා කියලා, හිතාගෙන හිටියා. ඒ වුණත් ඒ අයටත් දැනෙනවා තමන්ටත් නිදහස ලැබුණේ නෑ කියලා.
ඒ නිසා තමයි මේ 75 වන නිදහස් දිනය කියලා පෙබරවාරි 4 වෙනිදා ජනාධිපතිතුමා ඒක සමරන වෙලාවේදී මේ රටේ ජීවත්වන කාටත් ඒ නිදහස ලැබුණේ නෑ කියලා අපි ප්රකාශ කරන්න කැමතියි.
ඒ නිසාම අපි මේක සමරන වෙලාවේ මේක කළු දිනයක් කියලා ප්රකාශ කරලා, රටට හරියාකාරව නිදහස ලැබෙන්නට අපි ව්යාපාරයක් පටන් ගන්නවා.”