බැංකු පොලිය මත අය කරන රඳවා ගැනීමේ බද්ද 10% දක්වා ඉහළ දැමීම හේතුවෙන් තැන්පත්කරුවන් බොහෝ දෙනෙකු සිය තැන්පතු ඉවත් කර ගැනීමට පෙළෙඹෙන බවත් ඉන් බැංකු පද්ධතිය කඩා වැටීමේ අවදානම් තත්ත්වයක් උද්ගත වන බව ආර්ථික විශ්ලේෂකයෝ පවසති.

බැංකු පොලිය මත අය කරන රඳවා ගැනීමේ බද්ද 5%ක් දක්වා ඉහළ දැමීම නිසා ද බොහෝ දෙනෙක් සිය තැන්පතු ඉවත්කර ගෙන තිබෙන බවත් මේ හේතුවෙන් දේශීය ආදායම් දෙපාර්තමේන්තුවට එමගින් ලද ආදායම රුපියල් බිලියන 13 සිට 05ක් දක්වා අඩුවී තිබෙන බවත් බැංකුකරුවන්ගේ ආයතනය සඳහන් කරයි.

මේ අතර බැංකු පොලියෙන් අය කෙරෙන රඳවා ගැනීමේ බද්ද 10% ක් දක්වා වැඩි කිරීම නිසා ඒ ආදායම තව දුරටත් අඩුවනු ඇතැයි ද දේශීය ආදායම් දෙපාර්තමේන්තුව සඳහන් කරයි.