කෙහෙළියට පාර්ලිමේන්තුවත් එපා වෙයි… එන්න බෑ කියයි…!
February 7, 2024 at 9:45 am | by emanisa.lk
අද (07) දිනයේ පාර්ලිමේන්තු සැසිවාරයට සහභාගීවීම කෙහෙළිය රඹුක්වැල්ල මහතා විසින් ප්‍රතික්ෂේප කර ඇති බව වාර්තා වෙයි.
බන්ධනාගාර මාධ්‍ය ප්‍රකාශ ගාමිණී දිසානායක සඳහන් කළේ පාර්ලිමේන්තු සැසිවාරයට සහභාගීවීම සඳහා කෙහෙළිය රඹුක්වැල්ල මහතාට අවසර ලබා දුන්නද ඔහු විසින් එලෙස සහභාගීවීම ප්‍රතික්ෂේප කර ඇති බවය.
රක්ෂිත බන්ධනාගාරගතව සිටින හිටපු අමාත්‍ය කෙහෙළිය රඹුක්වැල්ල මහතාට පාර්ලිමේන්තුවේ නව සැසිවාරය ආරම්භ වීමේ අවස්ථාවට සහභාගී කරවන ලෙස කථානායකවරයා බන්ධනාගාර දෙපාර්තමේන්තුවෙන් ඉල්ලීමක් කර තිබුණි.
ප්‍රමිතියෙන් තොර ඖෂධ ජාවාරම සම්බන්ධයෙන් සිදුකෙරෙන විමර්ශනවලට අදාළව හිටපු සෞඛ්‍ය අමාත්‍යවරයා මේ වන විට රිමාන්ඩ් බන්ධනාගාරගත කර සිටින අතර ඊයේ ඔහු දැරූ පරිසර අමාත්‍ය ධුරයෙන් ද ඉල්ලා අස්වී තිබේ.
