මුලතිව් කුරුන්දි රජ මහා විහාරයේ ප්‍රතිසංස්කරණය කළ ස්ථූපය ඇතුළු සියලු නව ඉදිකිරීම් වහා ම ගලවා ඉවත් කරන ලෙස මුලතිව් අධිකරණය නියෝග කරයි.

මහා වංශය අනුව ක්‍රි.ව.100-103ත් අතර ඛල්ලටනාග රජු විසින් කරවන ලද මෙම බෞද්ධ විහාරයට 1 වන අග්බෝ සහ 5 වන මිහිඳු රජුගේ අනුග්‍රහය ලැබී තිබේ. 1905 සුදු ජාතික පුරාවිද්‍යාඥයකු වාර්තා කරන ආකාරයට මෙම ස්ථානයට බුදුන් වහන්සේ වැඩම කළ බවට එකල එම ප්‍රදේශයේ ජනප්‍රවාදයක් පැවති ඇත. එසේ ම මෙම විහාරයට 5 වන මිහිඳු රජු ගව් තුනක් විශාල පොල් වත්තක් සඟ සතු කොට පූජා කර සේවකයින් 100ක් එහි සේවයෙහි යොදවා ඇත.

පසුකලක විනාශයට පත්ව නැවත ගොඩනැඟීම ආරම්භ කළේ ගෝඨාභය රාජපක්ෂ සමයේ ය. ඒ සඳහා පුරාවිද්‍යා දෙපාර්තමේන්තුවේ සහ ශ්‍රී ලංකා හමුදාවේ සහය ලැබුණි.

අන්තවාදී දෙමළ දේශපාලන කණ්ඩායම් මෙම විහාරයේ ප්‍රතිසංස්කරණ කටයුතු සඳහා දිගින් දිගටම එරෙහි වූ අතර එය තහනම් කරන ලෙස ඉල්ලා අධිකරණයට ගොස් තිබිණි.

ආණ්ඩු විරෝධී අරගලය නිසා ගෝඨාභය රාජපක්ෂ ජනාධිපති ධූරය අතහැරීමට තීන්දු කිරීමත් සමග ම අධිකරණයෙන් මෙම තීන්දුව ලැබීම විශේෂත්වයකි.