වරාය අධිකාරියේ කළමනාකාර අධ්‍යක්‍ෂවරයා ඉවත් කර ඒ වෙනුවට වෙනත් අයෙකු පත් කිරීමට ගෙන තිබූ තීරණය මැතිවරණ කොමිසම විසින් අත්හිටුවා ඇත.

විෂයභාර අමාත්‍යවරයා විසින් 2024.10.02 දින ගෙන තිබූ තීරණය සම්බන්ධයෙන් මැතිවරණ කොමිෂන් සභාව වෙත ලැබුණු පැමිණිල්ලක් සලකා බැලීමෙන් අනතුරුව මෙම පියවර ගෙන තිබේ.

එම පත්වීම වහාම අවලංගු කර දින තුනක් ඇතුළත වාර්තාවක් සපයන ලෙස ජාතික මැතිවරණ කොමිෂන් සභාව විෂය භාර අමාත්‍යංශයේ ලේකම්වරයාට නියෝග කර ඇත.