අපි දැන් සාමාන්‍ය ජනතාවගේ වීරයින් බවට පත්වෙලා…! – සජිත්…
January 17, 2021 at 2:34 pm | by emanisa.lk
මේ රටේ ජනතාවගේ සියලු ප්‍රශ්න තමන්ට ජාතික ප්‍රශ්නයක් බව විපක්ෂ නායක සජිත් ප්‍රේමදාස පවසයි.
ජනතාව ඉස්මතු කළ සියලු සාධනීය ප්‍රශ්න සඳහා විසඳුම් ලබා දීමට තමන් කටයුතු කරන බව ද විපක්ෂ නායකවරයා සඳහන් කළේ ය.
පොදුජන වේදනාව ඉස්මතු කරන මහා උද්ඝෝෂණ රැල්ලක් ජනතාව සමග රට පුරා ආරම්භ කරන බව ද ඔහු අවධාරණය කළේ ය.
මේ වන විට සමගි ජන බලවේගය මේ රටේ පොදු ජනතාවගේ වීරයින් බවට පත්ව ඇති බව ද එම පක්ෂ නායක සජිත් ප්‍රේමදාස හෙළිදරව් කළේ ය.
අද (17) විපක්ෂ නායක ජංගම සේවාවට බුත්තල ඔක්කොම්පිටිය ප්‍රදේශයේ දී එකතු වෙමින් හෙතෙම මේ බව සඳහන් කළේ ය.
