රාජ්‍ය සේවයට බඳවා ගැනීමේ වහාම නවතා දැමේ…! බඳවා ගැනීමේ විභාග ප්‍රතිඵලත් නොදේ…!
August 24, 2022 at 9:35 am | by emanisa.lk
රාජ්‍ය සේවයට බඳවා ගැනීමේ කිසිදු විභාගයක් නොපවත්වන ලෙසත්, මේ දක්වා පවත්වා ඇති බඳවා ගැනීමේ විභාගවල ප්‍රතිඵල ද නිකුත් නොකළ යුතු බවත් මුදල් අමාත්‍යාංශය විභාග දෙපාර්තමේන්තුවට ඊයේ (23) දැනුම් දී ඇති බව වාර්තා වේ.
පාසල්වල පවතින සෞන්දර්ය, ගෘහ ආර්ථික විද්‍යා සහ ඉංග්‍රීසි ගුරුවරුන්ගේ පුරප්පාඩු පිරවීම සඳහා පසුගිය පෙබරවාරි මාසයේ පැවැති විභාගයේ ප්‍රතිඵල ද නිකුත් කිරීමට නොහැකි වී තිබෙන බව අධ්‍යාපන අමාත්‍යාංශ ප්‍රකාශකයෙක් පැවසීය.
එම ප්‍රතිඵල නිකුත් කරන ලෙස විභාග දෙපාර්තමේන්තුවට දැනුම් දීමක් නොකළ බවත් එම ප්‍රතිඵල නිකුත් කළහොත් බඳවා ගැනීම් කිරීමට සිදුවීම ඊට හේතුව බවත් එම ප්‍රකාශකයා කීවේය.
රාජ්‍ය සේවයේ බඳවා ගැනීම් නතර කිරීමට පියවර ගත්තේ මෙම වසරේ අයවැය යෝජනාවක් අනුව ය.
මේ වන විට රාජ්‍ය සේවයට විශාල ධනස්කන්ධයක් වැය කිරීම සඳහා එහි පවතින අකාර්යක්ෂමතාව බොහෝ පාර්ශ්වවල දැඩි විවේචනයට ලක්ව ඇත.
