රටේ පවතින ආර්ථික අර්බුදයෙන් රට ගොඩගත හැකි එක ම පුද්ගලයා රනිල් වික්රමසිංහ හිටපු අගමැතිවරයා බව අද රටේ බහුතරයකගේ හෘද සාක්ෂිය පිළිගන්නා බව එක්සත් ජාතික පක්ෂ නියෝජ්ය නායක රුවන් විජයවර්ධන ප්රකාශ කරයි.
මහා සංඝරත්නය, විද්වත් වෘත්තිකයන් මෙන්ම පහළ ම තලයේ ගැමියා දක්වා මෙය පිළිගන්නා නමුත් රටේ අවාසනාවකට ඔවුන් එය එළිපිට කීමට මැලිකමක් දක්වන්නේ යැයි ද නියෝජ්ය නායකයා කීවේය.
වත්මන් රජය වසර තුනක දී අත්තකර දුන් එක ම දේ වන්නේ ලෝක උද්ධමන දර්ශකයේ තුන්වන ස්ථානයට ලංකාව රැගෙන ඒම බව ද ඔහු වැඩිදුරටත් සඳහන් කළේය.
එක්සත් ජාතික පක්ෂ නියෝජ්ය නායක රුවන් විජයවර්ධන මේ අදහස් පළ කළේ කොළඹ යුනියන් පෙදෙස පැවැති කාර්යාලයේදී විද්වත් වෘත්තිකයන් පිරිසක් හමුවූ අවස්ථාවේදීය.