මුදල් අමාත්‍ය බැසිල් රාජපක්ෂ අද (15) පෙරවරුවේ කර්මාන්ත අමාත්‍යාංශයේ නිලධාරීන් සමග කර්මාන්ත සංගම්වල නියෝජිතයන්ගේ සාකච්ඡාවක් පවත්වා තිබිණි.

මෙම හමුව අරලියගහ මන්දිරයේ දී මුදල් අමාත්‍යවරයාගේ ප්‍රධානත්වයෙන් පැවැත් වී ඇත.

ඒ සඳහා කර්මාන්ත අමාත්‍යාංශයේ ලේකම්වරයා ඇතුළු ඉහල නිලධාරීන් ඇතුළු ක්‍ෂෙත‍්‍රයට අදාළ අනෙකුත් ආයතන ප‍්‍රධානීහු මෙන්ම මෙරට විවිධ කර්මාන්තවල නියැලෙන සංගම් නියෝජිතයෝ ද එක්ව සිටියහ.

කෙසේ වෙතත් එම හමුව සඳහා කර්මාන්ත අමාත්‍ය විමල් වීරවංශ එක්වී සිටියේ නැත. ඇමැති විමල් වීරවංශ ආරක්ෂක ලේකම්වරයා සමඟ දීඝවාපි පුදබිමේ උත්සව අවස්ථාවක් සඳහා එක්ව සිටිනු දැකගත හැකි විය.