22 වැනි ව්‍යවස්ථා සංශෝ­ධ­න­යට එරෙහි සජබ විරෝ­ධ­තා­වට ආත්මගරු­ත්ව­යක් ඇතිව යා නොහැකි බව ශ්‍රී ලංකා පොදු ජන පෙර­මුණේ ලේකම් නීතිඥ සාගර කාරි­ය­ව­සම් මහතා පවසයි. ඔහු මෙසේ පැව­සුවේ මෙම විරෝ­ධ­තා­වට ශ්‍රී ලංකා පොදු­ජන පෙර­මුණ සහ­භාගි නොවූයේ ඇයි­දැයි මාධ්‍ය­වේ­දීන් ඊයේ (24) ප්‍රශ්න කළ අව­ස්ථාවේ ඊට පිළි­තුරු දෙමිණි.

“ශ්‍රී ලංකා පොදු­ජන පෙර­මුණ විරෝ­ධ­තා­වට සම්බන්ධ වෙන්න ලැහැස්ති වෙලා හිටියේ. ඒත් ඉතාම අවා­ස­නා­වන්ත ආකා­ර­යට සමගි ජන බල­වේ­ගය ප්‍රසි­ද්ධියේ ප්‍රකාශ නිකුත් කළා, විප­ක්ෂය අනෙ­කුත් දේශ­පා­ලන පක්ෂ­ව­ලට සම්බන්ධ විය යුතු නැහැ කියන කාර­ණය. එහෙම තත්ත්ව­යක් යටතේ අපට ආත්ම­ග­රු­ත්ව­යක් තියා­ගෙන එතැ­නට යන්න බැහැ.
අපි හිත­නවා මේක සමගි ජන බල­වේ­ගයේ හෝ විප­ක්ෂයේ විරෝ­ධ­තා­වක් නොවී රටේම විරෝ­ධ­තා­වක් විය යුතුයි කියලා. විප­ක්ෂයේ සක්‍රිය දේශ­පා­ලන පක්‍ෂ­යක් විදි­හට අද විරෝ­ධ­තාව සාර්ථක වේවායි කියලා අපි ප්‍රාර්ථනා කර­නවා.

සමගි ජන බල­වේ­ගයේ සාකච්ඡා අව­සන් වීමෙන් පසුව එක් මන්ත්‍රී­ව­ර­යෙක් එළි­යට ඇවිත් ප්‍රකා­ශ­යක් කළා. අද වෙන­කල් විපක්ෂ නාය­ක­ව­රයා හෝ එහි වග­කි­ව­යුතු මන්ත්‍රී­ව­ර­යෙක් ඒ ප්‍රකා­ශය හෙළා දැක්කෙ­වත් ඊට විරු­ද්ධව අද­හ­සක් දැක්වු­වේ­වත් නැහැ. මේකෙන් අපට පෙනී යන්නේ මේ ප්‍රකා­ශය සජිත් ප්‍රේම­දාසගේ වුව­ම­නාව අනුව කරපු ප්‍රකා­ශ­යක් බවයි.
සජිත් ප්‍රේම­දාස මහතා ඉටු­ක­රන්නේ ආණ්ඩුවේ අව­ශ්‍ය­තා­වක්ද කියන සැකය අපිට තිබෙ­නවා. එතු­මාට තිබෙන ප්‍රශ්න­ව­ලින් බේරෙන්න එතුමා මෙවැ­න්නක් කර­න­වාද දන්නේ නැහැ. කොහොම වුණත් අපි විප­ක්ෂය විදි­යට විසි දෙවැනි සංශෝ­ධ­න­යට විරු­ද්ධව රටේ ජන­තාව කරන විරෝ­ධ­තා­වට හද­ව­තින්ම ආශී­ර්වාද කර­නවා. සාර්ථක වේවා කියලා ප්‍රාර්ථනා කර­නවා.

අපි දිගින් දිග­ටම විසි දෙවැනි සංශෝ­ධ­න­යට එරෙ­හිව අපේ විරෝ­ධ­තාව දක්ව­නවා. ශ්‍රී ලංකාවේ ප්‍රජා­ත­න්ත්‍ර­වා­ද­යට එල්ල කරන දැඩි ප්‍රහා­ර­යක් විදි­ය­ටයි අපි මෙය දකින්නේ. ආණ්ඩු­වට මේ රටේ ජන­තාව තුනෙන් දෙකක බල­යක් ලබා දීලා තියෙ­නවා. ඒ බලය අව­භා­විත වෙන හැටි පැහැ­දි­ලිව පේන්න තියෙ­නවා. ඒ නිසා අපි ඉදි­රි­යට බලමු.”