කෝටිපති ධනවතුන් වන තමන් කිසි දිනක හිල් යට ඇඳුම් නොඇන්ද බව ජාතික ජන බලවේග පාර්ලිමේන්තු මන්ත්‍රී නීතීඥ උපුල් අබේවික්‍රම අවධාරණය කරයි.

මන්ත්‍රීවරයා මේ බව කියා සිටියේ පසුගියදා(15) දෙරණ වාද පිටිය දේශපාලන සංවාදයට එක්වෙමිනි.

සර්වජන සර්වජන බලය වෘත්තිකයන්ගේ සංගමයේ කැඳවුම්කරු නීතිඥ නලින් පතිරණ විසින් “ඔයගොල්ලෝ ඒකාලේ කිව්වේ හිල් යට ඇඳුම් ගැනනේ.. දැන් කොහොමද කෝටිපතියන් වුණේ?” යැයි ප්‍රශ්න කළේය. ඊට පිළිතුරු දෙමින් මන්ත්‍රීඋපුල් අබේවික්‍රම මෙසේ කීවේය.

“නිකං ගොං කතා කියන්න එපා. මෝඩ කතා කියන්නෙපා. මොනාද මේ කියන්නේ? අපි කවද්ද හිල් යට ඇඳුම් ඇන්දේ? අපි මිලියනර්ස්ලා තමයි. ඉතින් ඇයි? අපි කිව්වේ ජනතාවගේ මුදල් හොරකම් කරන්නෑ කියලා.”