අකාර්යක්ෂම රාජ්‍ය සේවය වහාම කාර්යක්ෂම සේවාවක් බවට පත්කළ යුතු බවත් නොඑසේ නම් රට ඉදිරියට ගෙන යා නොහැකි බවත් කෘෂිකර්ම ඇමැති කේ. ඩී. ලාල්කාන්ත මහතා පවසයි.

සිය පක්ෂයට තැපැල් ඡන්දය ලබා දීමෙන් රාජ්‍ය සේවකයන් ද ක්‍රම වෙනසකට (system change) කැමැත්ත ප්‍රකාශ කර ඇතැයි ද ඇමැතිවරයා පෙන්වා දෙයි.

රාජ්‍ය සේවය විශාල යැයි ඇතැමුන් ප්‍රකාශ කළ ද වනජීවී, පශු වෛද්‍ය වැනි ක්ෂේත්‍රවල දැඩි සේවක හිඟයක් ඇතැයි ඔහු සඳහන් කරයි.

හිටපු අමාත්‍ය මහින්දානන්ද අලුත්ගමගේ සිය අමාත්‍යංශයට නාවලපිටියෙන් බඳවා ගත් සේවකයන් විශාල පිරිසක් කරකියාගත හැකි දෙයක් නොමැතිව සිටිය ද ඔවුන් ස්ථිර කරන ලෙස තමා දැනුම් දුන් බව ද ඇමැති ලාල්කාන්ත ප්‍රකාශ කරයි.

අද (05) පාර්ලිමේන්තුව අමතමින් ඔහු මේ බව කීය.