කුළී නිවාස සහ හිස් නිවාස සඳහා බද්දක්…!
June 15, 2024 at 4:07 pm | by emanisa.lk
ශ්රී ලංකාවේ රාජ්ය ආදායම ඉහළ නැංවීමේ පියවරක් වශයෙන් 2025 අප්රේල් 01 වනදා සිට ක්රියාත්මක වන පරිදි පදිංචිව සිටින සහ හිස්ව තිබෙන නේවාසික දේපොළ සඳහා ආරෝපිත කුලී ආදායම් බද්දක් හඳුන්වාදීමට ජාත්යන්තර මූල්ය අරමුදල යෝජනා කර ඇත.
ආරෝපණය කළ කුලී ආදායම් බද්දක් යනු නිවසක හිමිකරුවෙකු සිය නිවස කුලියට ලබාදුන්නේ නම් ඔහුට හෝ ඇයට ලබාගත හැකි ආදායම ඇස්තමේන්තු කර ඒ සඳහා බදු මුදලක් අය කිරීමය. මෙම බද්ද නිවසේ වටිනාකම මත නොව ඉන් ලැබිය හැකි අදායම මත පදනම් වේ.
මීට පෙර ජාත්යන්තර මූල්ය අරමුදල විසින් හඳුන්වාදීමට සූදානම් වූ දේපොළ බදු සහ තෑගි හා ප්රවේණි බදු ක්රමය ක්රියාවට නැංවීම විවිධ ව්යවස්ථාමය සීමාකම් හේතුවෙන් ප්රමාදවීම හේතුකොට ගෙන මෙලෙස නව ආරෝපිත කුලී ආදායම් බද්දක් හඳුන්වාදීමට ජාත්යන්තර මූල්ය අරමුදල පියවර ගෙන ඇත.
