එක්සත් ජාතික පක්ෂයේ ආසන සංවිධායක ධූරවලට උගත් වෘත්තීයවේදීන් පිරිසක් පත්කිරීමට කටයුතු කරගෙන යන බව එම පක්ෂයේ මහ ලේකම් පාලිත රංගේ බණ්ඩාර පවසයි.

ඒ අනුව නීතිඥයන්, වෛද්‍යවරුන්, ඉන්ජිනේරුවන් ඇතුළු උගත් නවකයන් රාශියකට බිම් මට්ටමේ වගකීම් පැවරීමට පියවර ගෙන ඇතැයි ද මහ ලේකම්වරයා සඳහන් කළේ ය.

උගත් කණ්ඩායමකට එජාපයේ වගකීම් ලබා දීමට පක්ෂ නායක රනිල් වික්‍රමසිංහ ගෙන ඇති තීරණයක් අනුව මෙම වැඩපිළිවෙළ සිදුවෙන බව ද ඔහු කීවේ ය.