ශ්‍රී දළදා වහන්සේ වැඩසිටින කරඬුව දශකයටක වැඩි කාලයක් දළදා පෙරහැරෙහි වැඩම කරවූ නැදුන්ගමුවේ හස්තිරාජයා ජාතික වස්තුවක් ලෙස නම් කරන්නැයි ජනාධිපති ගෝඨාභය රාජපක්ෂ, බුද්ධශාසන, ආගමික හා සංස්කෘතික කටයුතු අමාත්‍යාංශ ලේකම් මහාචාර්ය කපිල ගුණවර්ධන වෙත උපදෙස් ලබාදී ඇත.

අනාගත පරපුරට දැකගැනීම සඳහා නැඳුන්ගමුවේ හස්ති රාජයාගේ සිරුර සංරක්ෂණය කරන ලෙස ද ජනාධිපතිතුමා දැනුම් දී තිබේ.

ජාතික කෞතුකාගාර නිලධාරීහු කණ්ඩායමක් ඒ සඳහා හස්තිරාජයා සිටින ගම්පහ, වැලිවේරිය, නැඳුන්ගමුවේ වෛද්‍යාචාර්ය හර්ෂ ධර්මවිජයගේ නිවස වෙත ගොස් සිටිති.